Canalblog
Editer l'article Suivre ce blog Administration + Créer mon blog
Publicité
مـغـربـيـة
مـغـربـيـة
Publicité
مـغـربـيـة
Newsletter
Archives
28 mai 2009

خمس فوائد للانتخابات

elections_1

الانتخابات راها قرباتْ ؛ ايوا أجِيو نشوفوا 5 فوائد للانتخابات

.1.

wassakh

وراقْ الَوسَخْ ماكاين ما اكْثر منهمْ فهَاد الأيَّامَاتْ  ،  وخصوصا ملي جاتْ مع أوقات الامتحاناتْ . كلشي تيتسَابق ملي تيشُوف الحملات الانتخابية جاتْ ، وتيتسابقوا خصوصا على الوْرَاقْ اللي عَامرة بالْزواقْ وفيها وجُوه المترشّحين كبيرة بزااااااااْف، يعنقها تحسبوا ذايب في الصورة اللي فيها بزافْ. ومادامت الحسابات بكل أنواعها هي اللي كتنشط فهاد الاوقات ،     ماكاين غير حاسْبنِي نحَاسْبك وغْلبني نغلبَك ، فأكبر المستفيدين هوما الناس العِلمّيين ديال الماط ، أيوا الله يزيدهم ويزيدنا من خير الانتخابات

.2.

bitala_tatn9asss

البطالة كتنقص والحمد لله ، نصف شباب الحُومة الخَّدامين ولا العاطْلين وحتّى القاريِين راهُمْ مْسِيرين الحمَلاتْ والنصْف الاخر: نْصْهُم بالتخَبْيَة مع الحمَلات يَخْدَمْ والنصْ الثاني يشُوفْ ويْبَرْكَمْ. ما فيها عيب ، اللهم ولاَّ راْس الدربْ ، 100 درهم في النهار مقابل شوية ديال الدوران والغْوَاتْ راها الخير والبركة . شْحال هُوما ديَال الشَّباب تَيْغَوْتُوا على حقهُم قدَّام البرلمانات ولا مْن يسمع لِيهم .اللهم غُوتة ب 100 درهم واِيلا جابْ الله ممكن نْسَلّوا سويعات من ورَا عِين المُرشَّح وايلا كان هاد المرشح ولد الحلال ، غادي يَخْدَمْنَاااااااااااا ويْخَدَّمْنَا بعدما يربح وايلا ما طْمَرْشْ فيه غْواتْنَا ، نجمعوا فلوس العطلة الصيفية ونحَركُوا الجيب شوية باش نشطوا الكِيفْ والعقلية

.3.

rawaje

اِيوا أخيرا غَادي نْرجْعُوا نشُوفوا وجه رئيس الجماعة أو البرلماني ديَالنا . راهْ توحشْنَاهْ ، مِنْ آخِر انتخاباتْ ماشْفناْه حتى قْرَّبنَا نَنْسَاوْه. ولكن تبارك الله ، بَان عْلِيهْ الخِير ، غادي وكَيْسْمَانْ  وكَرْشُوا كَتْعْمَرْ ، عامل كِيفْ العجل ديال العرس ، نسمنُوه ونْوَكْلُوه ونشْربوه ولكن يْخَلَّصْ يخلَّص

.4.

rissani_election_wall

الرواج فكلشي الحمد لله ،حمام العيالات ديما عامر ، والعريفات خدامات يهدروا على هذا وذاك : واحد بغا يخْدمنا وماقدرش هادي 300 عام ايَوا نعطيوه فرصة ولاخََْرْ جديد رشح راسو هاد العام ياكما باغي يشفَرنا ؟
ايوا والاسواق ماكاين اكثر من الضجيج فيهم والنازل اكثر من الطالع  والمحلات التجارية ديما مكْريَّة لمالين الشكَاير باش يتقربوا من السكان ويثْقبوا ليه الآذان بالهضرة على فلان وفلان

.5.

silate_ra7imeee

صلة الرحم كتنشطْ ، وفي الانتخابات حتى واحد فيها ماكَيْفَرطْ . جارة عم خال جارتكْ وجداتْ بنت عم خالتكْ ، عْمْرك ما شفتيها أو الغيبة عليها كانت هادي مُّدَة ، تجِي تزورك على غير العادة وتحْيِي معك الرِحِم، وماتنساشْ توصيك تصوتي لفلان بن فلان ، ايوا راكي عزيزة وماغَاديْش تخَيْبِي ليها الظَّن

ايوا كل انتخابات وأنتم بخير

Publicité
Publicité
Commentaires
M
وتستمر المهزلة<br /> ويستمر التدوين
G
تدوينة ساخرة جميلة تضم بين أحشائها مهزلة هذا الوطن أو بعنوان آخر<br /> وتستمر المهزلة
Publicité