7al9a


يْعايْرْني بالحَلْقَة
ويحسابوا نْخْشَاها
والحلقة عندي فنْ
بيه أنا نتْباها
وكلمة"حلايقي "
أنا تنمّنَاها
رمز مدينة الحمرا
فن معروف
فسماها
ثراتنا الجميل
شُوفْتُو تْتْرَجّاها

********

الحلقة , فن عظيم
مايفهموا من َوالاَ
كرموه البلدان الكبار
ومجدوه, اللْوَالاَ
وجوه البشر تحييكمْ
وبترحيبكمْ
أصواتْهُمْ تتعالاَ
جامع الفنا تجمعهمْ
وقلوبهم هي النوالة
يخيموها ليكوم
ويبسطوا من والاَ
شمالي,صحراوي, شرقي
ولاد كازا وحلالة
كلهم يعشقوا الحمراَ
هبة الله تعالى

**********

مراكش يا الحمرا
نهواك ومانندمْ
نعشق فيك البهجة السمرا
والوجه المتبّسَمْ
ثراتك يسرْ الناظرْ
وعزك بيه نحلْمْ
جامع الفنا بلاد الفنونْ
حلقات الفن المجنون ْ
قصة وموسيقى
فرق عريقة
أصحاب الفن الحنونْ

**********

يا من عايْرني بالحلقة
هداك شرف لّيَا
عندي نتباهى بيه
يمجد مدينتي البهية
أنا الفخر لي
نكون حلايقية
ْعمَّرْ الفن ماكان عيب
أو كان شموتية
ومادامت الحلقة
من الحمراء
بكل فخر نقول
أنا حلايقية

بقلمي المراكشي